O PRESIDENTE DA DEPUTACIÓN RECIBE ÓS CAMPIÓNS OURENSÁNS DE KICK BOXING

O PRESIDENTE DA DEPUTACIÓN RECIBE ÓS CAMPIÓNS OURENSÁNS DE KICK BOXING DA ESCOLA “CIPRI GÓMÉZ”

Os deportistas, nenos e mozos de entre 7 e 17 anos, acadaron 46 medallas nos campionatos galegos e nacionais. José Luis Baltar dixo que é un orgullo que este colectivo “leve o nome de Ourense asociado á xuventude e o compromiso co deporte”“É un orgullo que levedes o nome de Ourense alí por onde vades, sempre asociado á xuventude e o san compromiso co deporte”. Así se expresou o presidente da Deputación Provincial de Ourense, José Luis Baltar, na recepción que hoxe ofreceu ós deportistas ourensáns da Escola de Kick boxing “Cipri Gómez”, que veñen de acadar importantes premios nos campionatos galegos e nacionais desta especialidade

No acto, que tivo lugar no Salón de Plenos da Deputación de Ourense, José Luis Baltar loubou o labor educativo e deportivo que fai a Escola “Cipri Gómez”, “porque o seu compromiso co deporte e coa xuventude é un exemplo de constancia e bo facer no traballo cos nosos nenos e mozos de Ourense”.